Ақиық ақын М.Мақатаевтың туғанына биыл 94 жыл! Осыған орай қала мектептері оқушылары арасында ақынның шығармашылығын кеңінен насихаттау мақсатында байқау өтті. Толығыр-ақ келесі сюжетте.
М.Мақатаевтың шығармашылығынан байқау биыл 20 рет ұйымдастырылып отыр. Бұл байқау дәстүрлі түрде жыл сайын мұзбалақ ақынның туындыларын дәріптеу, көркемсөз оқу мәдениетін дамыту мақсатында қалалық мектептер арасында өтіп келеді. Байқауға 87 мектептен 525 бала өтініш білдіріп, олардың ішінен іріктеліп 60 бала ақтық кезеңге өткен.
Байқаудың қатысушысы Гүлжан Сайрамбек 9 сынып оқушысы. Ол ақиық ақын М.Мақатаевтың көптеген өлеңдерін бала кезден мәнерлеп оқиды. Былтырғы жылы өткізілген осы сайыста ақындық бағытында жүлделі 2 орынды иемденген. Бұл жолғы жарыста, өзін көркем сөз бағытында сынап көргісі келіпті. Байқауды естіген бойда мұндай тартысты додаға жеңіп шығамын деген үлкен сеніммен қатысқанын айтады.
Мақатаевтың шығармашылығына арналған «Жырлайды жүрек» атты байқау қорытындыланып, жеңімпаздар арнайы дипломдармен мараппаталды. Ақынның өлеңдері уақыт өткен сайын жаңарып, жаңа буынның жүрегінен орын табуда. Мұндай іс-шаралар алдағы уақытта жалғасын табатын болады.
