Оңтүстік Суданда ұшақ апатынан 18 адам қаза тапты. Ұшақ Юнити мұнай өндірісі аймағынан көтерілу кезінде құлады, деп хабарлайды Aнадолы агенттігі.
Оңтүстік Суданда әуеге көтерілгеннен кейін көп ұзамай ұшақ апатқа ұшырап, алдын ала мәлімет бойынша 18 адам қаза тапты. Біріккен Ұлттар Ұйымының Оңтүстік Судандағы миссиясының радиостанциясы Miraya News радиосының хабарлауынша, ұшақ Юнити штатындағы мұнай өндірісі маңында құлады. Оқиғадан аман қалған үш зардап шегушінің жағдайы ауыр деп бағаланып отыр.
