Тәуелсіздік- халқымыздың бостандығы мен дербес даму жолындағы сан ғасырлық күресінің тарихи нәтижесі. Шымкентте Оңтүстік Қазақстан гуманитарлық-экономикалық колледжі және жастар ресурстық орталығының ұйымдастыруымен тәуелсіздік күніне орай «ТӘУЕЛСІЗДІК-ЕГЕМЕНДІК ТІРЕГІ» атты шара өтті.
Шара мақсаты-тарихи сананы қалыптастыру. Қазақстанның тәуелсіздік жолындағы бірқатар маңызды оқиғаларын еске алу.Ұлт тарихындағы батырлар мен қайраткерлердің ерлігін насихаттап, патриотизмді нығайту болды.
Салтанатты жиын мемлекеттік туды көтеру рәсімімен басталды. Әнұран орындалып, жиналған жұртшылық азаттықтың маңызын тағы бір мәрте сезінді. Тәуелсіздік жолында құрбан болған барша боздақтарды еске алу мақсатында 1 минут үнсіздік жариялады. Сахнада 1986 жылғы тарихи сәттен сыр шертетін қойылым қойылды.
Сондай-ақ қатысушылар тәуелсіздік күнін тойлай отырып, елді одан әрі көркейтуге, бейбітшілік пен тұрақтылықты сақтауға деген ниеттерін білдірді.Шара әрмен қарай патриоттық өлеңдермен жалғасты.Жиында бірқатар еңбегі еленген азаматтарға марапаттар табысталып,келген қонақтар көтеріңкі көңіл күймен қайтты.
