ҚР Ұлттық ғылым академяисының академигі, Президент жанындағы Ұлттық құрылтай мүшесі Кәрімбек Арыстанбекұлы жастармен кезедсті. Ө.Жәнібеков атындағы ОҚПУ өткен кездесуде Академик студенттерге ғылымның заманауи жетістіктері, өз саласындағы зерттеулерінің маңызы және Қазақстанның білім саласындағы даму перспективалары туралы айтты. Сонымен қатар, ол жастарды белсенді азаматтық ұстаным қалыптастыруға және ұлттық құндылықтарды сақтауға шақырды.
Кездесудің негізгі мақсаты – жастарға отансүйгіштік, білім мен ғылымның қоғамдағы рөлі және еліміздің болашағына қосатын үлес туралы түсінік беру болды. Ел дамуындағы қозғаушы күш – жастар. Мемлекет басшысы Қасым-Жомарт Тоқаев «адал -адам,адал-еңбек,адал –табыс » деп, атап көрсеткендей, жастарды қоғамдық өмірге белсенді түрде араласып, өз ұстанымына берік болып, түрлі идеялар ұсынып, оларды іске асыруға атсалысуға шақырамын,- деді Кәрімбек Арыстанбекұлы.
Қазіргі таңда ғылымға бет бұрған жастарға барлық жағынан қолдау көрсетілуде. Мемлекет жастардың білім алуына, кәсіби дамуына және өмір сүру сапасын жақсартуға бағытталған түрлі бағдарламалар мен бастамаларды іске асыруда. Берілетін әрбір мүмкіндікті тиімді пайдаланған жастар өз әлеуетін толықтай іске асырып елдің дамуына үлем қосары сөзсіз.Еркін форматта өткен кездесу барысында студенттер сұрақтар қойып, еліміздегі ғылым мен білімге қатысты өз ойларымен бөлісті. Академик жастардың бастамалары мен идеяларына жоғары баға беріп, олардың шығармашылық қабілеттерін дамытудың маңыздылығын ерекше атап өтті.
