Қаладағы №1Талант жалпы білім беретін мектепте Әл-Фараби ауданы Төтенше жағдайлар департаментінің мамандары мен жастар ресурстық орталығының қызметкерлері оқушыларға жер сілкінісі кезінде қауіпсіздік ережелерін түсіндіру мақсатында арнайы кездесу өткізді. Іс-шара барысында мамандар табиғи апаттың қаупін азайту жолдары мен жер сілкінісі кезінде дұрыс әрекет ету тәсілдерін жан-жақты баяндады.
Шара барысында мектеп қызметкерлері мен оқушыларына әртүрлі төтенше жағдайлар кезінде әрекет ету бойынша әдістемелік көмек көрсетілді. Оқу жаттығу кезінде төтенше жағдайлар бойынша арнайы құтқару жасағы іште қалып қойған адамды анықтап тауып, оған қажетті медициналық жәрдем көрсетті.Барлық қызметкелер мен оқушылар қауіпсіз жерге орналастырылды.
Мамандар көпқабатты үйлер мен мекемледе жер сілкінісі кезінде қауіпсіздік шараларын сақтау туралы ақпарат беріп, төтенше жағдайларға дайындық деңгейін арттыруға бағытталған кеңестермен бөлісті. Сонымен қатар әр үйде қажетті төтенше жағдайлар жиынтығы шам, дәрі-дәрмек, су, құжаттар болуын қадағалау керектігін еске салды. Қауіпсіздік шаралары көрсетілген арнайы жадынамалар таратылып, оқушылармен сұрақ-жауап форматында ашық әңгіме жүргізілді. Практикалық бөлімде мектеп оқушыларына жер сілкінісі кезінде ғимараттан эвакуацияланудың тәртібі көрсетіліп, арнайы дабыл белгісі арқылы жаттығу ұйымдастырылды.
Оқу-жаттығудың мақсаты – мемлекеттік органдар мен азаматтық қорғау күштерінің жер сілкінісі кезіндегі іс-қимылға дайындық деңгейін, жалпы қауіпсіздік мәдениетін арттыру, қала тұрғындарын төтенше жағдайларда әрекет етуге үйрету.Бұндай іс-шара алдағы уақытта ауданның басқа да аумақтарында жалғасын табатын болды.
