«Оңтүстік» өңірлік қолбасшылығының механикаландырылған бригадасына мерзімді әскери қызмет етуге келген 160 сарбаз отан алдындағы әскери анттарын қабылдады.Салтанатты шара 35748 әскери бөлімінде ұйымдастырылды.Оған сарбаздардың ата-аналары мен туыстары командирлер және ардагерлер қатысты.
Ант қабылдаған сарбаздардың қатарында Бексұлтан Қайратұлы да бар. Ол бұл күннің өз өміріндегі маңыздылығын атап өтіп, Отанға адал қызмет етуге дайын екенін айтты. Сондай-аө Бексұлтанның ата-анасы да салтанатты рәсімге қатысып, ұлдарының өміріндегі ерекше сәттің куәсі болды.
Салтанатты рәсім барысында сөз алған сала мамандары жас сарбаздарды құттықтап, жылы лебіздерін жеткізді.Олар ел қорғау жолындағы әскери қызметтің маңыздылығын атап өтіп,сарбаздарға сәттілік тіледі. Сонымен қатар шара аясында ерекше көзге түскен әскери қызметкерлер марапатталып,үлгілі қызметтері үшін құрмет көрсетілді.
Ант беру салтанаты өткеннен кейін жас сарбаздар өздерінің дайындаған қойылымдарын ұсынды.Олар №1 және №2 дене шынықтыру жаттығуларының кешенін, қару-жарақпен саптық техниканы, дефилені және армияның қоян-қолтық ұрыс техникасын орындады.арбаздардың ата-аналары бөлімнің аумағына экскурсия жасап: казармалық үй-жайлардың бөлмелері мен асханамен танысты.Бөлім басшыларына Ата-аналар өздерінің толғандырған сұрақтарын қойып жауап алды.
