Қала тұрғындары үшін жағымды жаңалық.Әсем клиникасы өз жұмысын бастап, ем алушыларға тегін қызмет көрсетуді бастады. Медициналық-санитарлық көмек көрсететін мекеме заманауи жабдықтармен қамтылған. Білікті медицина мамандарынан құралған еңбек ұжымы 40 мың халыққа кезексіз қызмет етуге мүмкіндігі бар.
Бұл шахарда ашылған Әсем клиникасының екінші орталығы. Жаңа емхананың ашылуы Қайтпас-1 мөлтек ауданы тұрғындарының медициналық қызметтерге қолжетімділігін арттырып, емхана тапшылығы мәселесін шешуге ықпал жасаған. Орталық басшылары мұнда тұрғындар үшін қолжетімді әрі сапалы медициналық көмек көрсетуге дайын екендерін жеткізді.
—Жалпы осы салада қызмет етіп жүргеніме бірнеше жылдан асты. Осында әріптестерімізбен тәжірибе алмасу мақсатында Астана қаласынан арнайы келдім. Денсаулық сақтау саласының әл-ауқатын осы қалада да жандандыру мақсатында бірқатар жұмыстарды атқаруға дайынбыз. Біздің орталықта жоғары білікті мамандар жұмыс жасайды сонымен қатар сапалы талаптарға сай қызмет етеміз. Біздің басқа мекемелерден артықшылығымыз Шымкент қаласының тұрғындарына максималды түрде тиімді әрі сапалы қызмет ету, сонымен қатар тегін медициналық көмекті көрсетеміз. Біздің орталықта азаматтар медициналық көмекті тегін ала алады, тек бізге тіркелсе болғаны.
Емханада флюрография, рентген, УЗИ, клиникалық және биологиялық зертханалар және басқа бөлмелері соңғы үлгідегі құрал-жабдықтармен қамтамасыз етіліп, 160 тәжірбеилі мамандармен толықтырылған.
Жаңа аппараттар науқастың денсаулығын терең тексеруге және алдын ала анықтауға мүмкіндік береді. Жалпы 3 қабатты емхана өз жұмысын бастап,ем алушыларды қабылдауды бастап кетті.
