Жаңалықтарымызды жаһан жағдаятынан бастаймыз. Израиль Газа секторының оңтүстігін әуеден атқылап, 8 адам қайтыс болды. Құрбандардың екеуі – бала. ХАМАС ұйымы қорғаныс күштерінің мәліметіне сәйкес, соққы Хан-Юнис қаласында босқындар қоныстанған уақытша лагерьге жасалған.
Израиль әскері бейбіт тұрғындардың өліміне ХАМАС қозғалысын кінәлады. Олардың айтуынша, ұйым әскері жергілікті халық арасында жасырынып отыр. Былтырғы қазан айынан бері Израильдің Газа секторына жасаған шабуылынан 43 мың 800-ден астам палестиналық қаза тапты.
Филиппинде «Ман-И» дауылынан 8 адам опат болды.Бұл осымен кейінгі бір айда соққан алтыншы дауыл. Лусон аралында су тасқыны мен лай көшкіні жүрді. «Рейтер» агенттігінің хабарлауынша, 1 млн-нан астам тұрғын қауіпсіз жаққа көшірілген.
Супертайфун электр желілерін үзіп, үйлерді шайып, ағаштарды опырып, инфрақұрылымға үлкен нұқсан келтірді. Мектептер жабылып, әуе рейстері кейінге шегерілді. Билік өкілдерінің мәлімдеуінше, «Ман-И» мен оның алдындағы 2 дауылдан 1 млн-нан астам адам зардап шеккен. Шамамен 7 мың аралдан құралған Филиппинде жыл сайын 20 тайфун мен дауыл соғады.
Ел жаңалықтарына ойссақ.Қасым -Жомартресми сапармен Сербияға барды. Сербия сарайының алдындағы алаңда Мемлекет басшысын ресми қарсы алу рәсімі өтті.
Қазақстан Президентінің келуіне орай Құрмет қарауылы сап түзеді. Құрмет қарауылының бастығы рапорт бергеннен кейін екі елдің әнұрандары шырқалды, сондай-ақ он рет зеңбіректен оқ атылды. Бұдан кейін президенттер бір-біріне ресми делегация мүшелерін таныстырды.Салтанатты рәсімнен кейін мемлекеттер басшылары келіссөз залына барды.
Түркістан облысы бойынша мемлекеттік әлеуметтік медициналық сақтандыру жүйесіне тұрғындарды қамту шаралары тұрақты жүргізіліп келеді. Барлық медициналық мекемеге 2 миллионнан астам тұрғын тіркелген. Оның ішінде МӘМС жүйесінде сақтандырылмағандар саны 350 мың адамды құрап, өткен аймен салыстырғанда 23 пайызға азайып отыр.
Білім – білгеніңмен бөлісу арқылы көбейіп, мұнымен адамның тәжірибесі де арта түседі. Еліміздің ертеңі жас ұрпаққа сапалы білім мен саналы тәрбие беру мақсатында Білім басқармасының Әдістемелік орталығының ұйымдастыруымен Д.Қонаев атындағы жалпы орта мектебінде десанттық сабақ өткізілді. Бұл жиын педагогтар арасында тәжірибе алмасудың тиімді алаңына айналып, білім сапасын арттыруға тың серпін берді. Жеңімпаз ұстаздардың инновациялық әдістері мен үздік сабақ үлгілері қатысушылардың қызығушылығын тудырып, жоғары бағаға ие болды.
Қаламызда жылыту маусымы қарсаңында өрт қауіпсіздігін күшейту шаралары қарқын алды. Осыған орай төтенше жағдайлар департаменті әлеуметтік желілерде 200 ге жуық, БАҚ-да 123 шығарылым жарияланды және қала аумағындағы шағын аудандар арасында 185 рет дауыс күшейткіштер арқылы түсіндірме жұмыстары жүргізілді.
Мұхтар Ауезов атындағы Оңтүстік Қазақстан Университетінде ішкі саясат және жастар ресурстық орталығының ұйымдастыруымен «Кәмелетке толмаған жасөспірімдер арасындағы құқықбұзушылық туралы профилактикалық жұмыстар» тақырыбында арнайы кездесу өтті.Жиын барысында құқықбұзушылыққа байланысты күрделі мәселелер талқыланды.
Түркістан облысында «Таза Қазақстан» бағдарламасы тұрақты жүргізілуде. Келесі жылы да облыс көлемінде тазалық, абаттандыру жұмыстары жалғасып, жаңаша бағытта үйлестіріліп, жүйелене түседі. Түркістан облысының әкімі Дархан Сатыбалдының төрағалығымен өткен аппарат мәжілісінде осы саладағы мәселелер талқыланды. Маңызды жиында өңір басшысы тазалық пен абаттандыру шараларын тек сенбілікпен шектемей, осы бағыттағы жұмыстарды ширата түсуді тапсырды.
Енді кітапханаға барудың қажеті жоқ. Шымкенттік кітапсүйер оқырмандар үшін арнайы цифрлық жоба қолға алынды. Қалалық Әл-Фараби атындағы ғылыми-әмбебап кітапханасы кітапты қолжетімді ету және цифрлық бағытта дамытуды жетілдірді. Шахар аялдамаларына QR-ЭЛЕКТРОНДЫ СМАРТ кітапхана сөрелері орналастырылды. Толығырақ алдағы бейнематериалда.
Қарағанды облысында криминалдық полиция қызметкерлері жедел түрде жергілікті тұрғындарға қомақты шығын келтірген мал ұрлығының үш фактісін ашты,. Жедел-іздестіру шаралары барысында 71 жастағы фермердің қорасынан 13 ірі қара малды ұрлады деген күдікпен 27 және 33 жастағы екі жергілікті тұрғын ұсталды.
Риддерде жедел уәкілдер 900-ден астам электронды өнімді сатпақ болған күдіктілерді ұстады. 21 жастағы күдіктіні полиция қызметкерлері тыйым салынған тауарды жергілікті тұрғынға сату кезінде ұстаған. Риддер тұрғыны қойма ретінде пайдаланған ғимараттан шамамен 10 миллион теңге тұратын 916 электронды темекі тәркіленді.
