Қараусыз жүрген мал ұрыға олжа болуы әбден мүмкін. Полиция үй жануарларының жайылымдарда жоғалып кететінін ескеріп, ауыл тұрғындарының малға күзетті күшейтуін ескертеді. Тұрғындар өз малының қауіпсіздігіне немқұрайлы қарауын тоқтатпайынша, құқық қорғау органдарының мал ұрлаушылармен күресі оң нәтижесін беруі екіталай.
Төрт түліктің қатысуымен болатын жол-көлік оқиғасын, мал ұрлығын болдырмаудың басты қауіпсіздігі – оларды қараусыз, бос жібермеу екенін алға тартады. Сондықтан төрт түлігіңізді көшеде қараусыз қалдырмаңыз!Сонымен қатар Түркістан облысы Полиция департаменті Патрульдік полиция батальонының қызметкерлері «Сауран» шеп-бекетінде мал тасымалдап жүрген көлік жүргізушілерін тексерді.Рейд барысында жүргізушілерге құжатсыз мал тасымалдауға болмайтынын қатаң ескертті. Айта кетейік, үй жануарларын қараусыз қалдырып, құжаттандырмасаңыздар оған заңға сәйкес әкімшілік жауапкершілік қарастырылған.
