Шымкент қаласы «Аламан» спорт кешенінде “Күрең тұлпар” қоғамдық бірлестігі шымкент қаласындағы діни бірлестік өкілдері арасында дәстүрлі спорттық турнир өтті. Бұл шарада қатысушылар үстел теннисі, шахмат және кіші футбол сынды ойын түрлерінен сынға түсті. Ойынға мешіт имамдары, сондай-ақ басқа да діни ұйымдардың өкілдері қатысып, спорттық шеберліктерін көрсетті.
Аталған шара 18 қазан Рухани келісім күніне арналған іс шаралар жоспары аясында өтті. Әуелі турнир қр әнұранымен бастау алды.Жарысқа 10 команда қатысып,кім мықтыдан кіл мықтыны анықтады.Бұл сайыс достық пен өзара түсіністік рухында өтіп, діни конфессиялардың бір-бірімен ынтымақтастығын арттыруға ықпал етті.
Бүгінгі күнде қаламызда мейірімділік пен қайырымдылықты насихаттайтын,жастарды адамгершілікке тәрбиелеуге көп күш салатын 32 діни бірлестік бар. Сондай-ақ тату тәтті көршілік пен рухани бірлікте, діни ұйымдары біріктіретін, 11 конфессияның өкілдері тұрады. Жалпы елімізде діндарлар дінді еркін ұстауға, өз этносының мәдениеті мен әдет ғұрпын дамытуға мүмкіндік алуда.
Осыдан 32 жыл бұрын дәл осы күні Алматыда өткен Бірінші Бүкіләлемдік Рухани келісім конгресінде қатысушылар 18 қазанды Рухани келісім күні деп жариялауға шақырған манифест қабылдаған еді. Атаулы күн қарсаңында өтетін бұл жиын қазіргі күні дәстүрге айналып үлгерген.
Мұндай жарыстар әртүрлі дін өкілдерінің арасындағы достық пен ынтымақтастықты нығайтып, ортақ құндылықтарды қолдайды. Барлық қатысушылар ерекше дайындықпен келген.Мұндай дайындық сайыстың деңгейін көтеріп, әр ойынның тартысты әрі қызықты өтуіне ықпал етті. Әсіресе, футбол, теннис және шахмат ойындарында шеберлік пен стратегияның маңызы зор.Турнирде белсенділік танытып жеңіске жеткен командалар бағалы сыйлықтар мен алғыс хаттармен марапатталды.Бұл марапаттар қатысушылардың еңбегін бағалап, оларды әрі қарай қызығушылығын арттырары сөзсіз.
