Шымкентте бір мезетте 82 жұмыс беруші мекеме жастарға 963 бос жұмыс орынын ұсынды. «Жастарға жұмыс» республикалық жәрменке аясында қала жастары шаһардағы үлкен және кіші кәсіпорындарындағы бос жұмыс орындарымен танысуға мүмкіндік алды. Сондай-ақ жұмыс іздеушілерге Шымкент қаласынан бөлек тағы еліміздің 3 өңірі 110 бос жұмыс орнын ұсынды.
Мемлекет басшысы Қасым-Жомарт Тоқаев жастарға жан-жақты қолдау көрсету керектігін үнемі айтып келеді. Жастар-еліміздің ертеңі қоғамның қозғаушы күші десек, бүгінде оларды қолдау бағытында түрлі шаралар қолға алынған. Соның бірі «Жастарға жұмыс» республикалық жәрменкесі. Яғни, мұнда қала жастары өңірдегі түрлі жұмыс орындарымен танысып, өздері қалаған жұмысқа орналасуына мүмкіндік алады.
Республикалық жәрменкеге мегеаполистегі жұмыс берушілерден бөлек еліміздің өзге 3 өңірі Павлодар, Ұлытау және Солтүстік Қазақтан облысының Еңбек мөбильдігілі орталығының өкілдері де қатысты. Олар бүгінгі жәрменкеде жастарға 110 бос жұмыс орнын ұсынбақ.
Ресми ақпараттарға сүйенсек, жастар арасында жұмысқа орналасу бойынша өткен жылы 7 мынан аса жас жұмыссыз ретінде тіркелсе, оның 70 пайыздан астамы жұмысқа орналасыпты. Ал, ағымдағы жылы жастар практикасы арқылы 3500 мың жасқа жолдама бөлінсе, оның күні бүгінге дейін мыңнан астамы жолдама алып үлгеріпті.
