1 сәуір-Халықаралық күлкі күніне орай ақын, сықақшы Шона Смаханұлының 100 жылдығына арналған «Шоқтығы биік Шона аға» атты мерекелік кеш өтті. Салтанатты шара тіл жанашыры, ақын, сатираның саңлағы Шона Смаханұлының 100 жылдығына арналды. Осыған орай әзіл-сықақ және сатира театрының әртістері ақынның шығармаларынан интермедиа қойды. Әндері орындалып, өмір дерегінен сыр шертетін көркем фильм көрсетілді. Мерекелік кешке қатысқан көрермен- қонақтарға ақынның өмір жолынан шолу жасалып, көрерменге ашылмаған қырлары насхатталды. «Қағытпа әзілмен көрерменді қарық қылып, түрлі мәселені көтере білген сықақшының жазбалары өміршең» — дейді бүгінгі әріптестері. Бүгінде Шона Смаханұлының екі қазақ мектебі жұмыс жасайды. Балалар қазір содан білім, тәрбие алуда. Әзілге жақын болғандықтан оның қазір көп туындысын сахналап жүр. Атап аитсақ «Дүмше дәрігер» атты қойылымын Шаршар әзіл-сықақ театры қойған. Тағы да біраз өлең, сөздері оқытылып, әсіресе ел арасында ең есте қалғаны – «Анамның тілі». «Анамның тілі айбының менің…» атты туындыларымен көрермен жүрегінен орын алды.
«ШОҚТЫҒЫ БИІК ШОНА АҒА» АТТЫ МЕРЕКЕЛІК КЕШ ӨТТІ
