«Даму» кәсіпкерлікті дамыту қоры» АҚ әйелдер кәсіпкерлігін қаржыландырудың жаңа бағдарламасына 10 млрд теңге бөлді.
«Үміт» бағдарламасы кәсіпкерлерге бизнесті дамытуға кең мүмкіндіктер береді. Бағдарламаны іске қосу үшін бөлінген қаражаттың бастапқы көлемі 10 млрд теңгені құраса, кәсіпкер әйелдер Қазақстанның барлық аймақтарында, соның ішінде ауылдарда, шағын және моноқалалардағы екінші деңгейлі банктер арқылы қаржыландыруды алу мүмкіндігіне ие болады. Несиенің максималды мерзімі 84 айға дейін, инвестициялық мақсаттарға жеңілдік мөлшерлемесі және 100 млн теңгеге дейінгі несие сомасымен айналым қаражатын толықтыру.
Қолдау қаржы және сақтандыру секторларын, жылжымайтын мүлікпен операцияларды және көтерме және бөлшек сауданы қоспағанда, экономиканың барлық секторларына бағытталатын болады.
Сондай-ақ «Даму» қорының Еуропалық қайта құру және даму банкімен (ЕҚДБ) серіктестігі аясында кәсіпкерлерге тегін білім алу және білім беру курстары мен тренингтеріне қол жеткізудің бірегей мүмкіндігі қарастырылған. Осы халықаралық ұйыммен бірлескен бағдарлама қатысушыларға бизнесті басқаруға және нарықта табысты бәсекелесуге қажетті кәсіби дағдыларды, білім мен құралдарды алуға мүмкіндік береді.
Айта кету керек, әйелдер кәсіпкерлігін қолдау шаралары жыл сайын әйелдер басқаратын кәсіпорындардың пайызын арттырып келеді. Бұл туралы «Даму» қорының басқарма төрайымы Гауһар Бөрібаева хабарлады.
«Үкімет Қазақстанда шағын және орта бизнесті дамытуға, оның ішінде әйелдер кәсіпкерлігін дамытуға бағытталған қолдауға үлкен көңіл бөлуде.Шағын және орта бизнес иелері құрылымында әйелдер кәсіпкерлігінің үлесі жобалардың жалпы санының 47 пайызына жетті. «Даму» қорының қолдауымен.Қор қызметінің бүкіл кезеңінде «2 893 млрд теңгенің 96 мың әйел кәсіпкерлігі жобасына қолдау көрсетілді. Мен қазіргі заманғы іскер әйелдердің бизнес-идеяларын жүзеге асыру, компанияларды дамыту және жаңа жұмыс орындарын ашу үшін мемлекеттік қолдауды тиімді пайдаланып жатқанына қуаныштымын».
«Даму» Қоры – Қазақстан Республикасында шағын және орта кәсіпкерлікті дамытуға бағытталған мемлекеттік қолдау құралдарын іске асыратын қаржы агенттігі. Қордың жалғыз акционері «Бәйтерек» ұлттық басқарушы холдингі» АҚ болып табылады.
