27 наурыз халықаралық театр күні. Осы орайда Ж.Шанин атындағы Шымкент қалалық академиялық қазақ драма театрында «Тетар көктемі -2024» қалалық фестивалінің ашылуы өтті. Көктемнің жайма шуақ күнінде өнер саңлақтары осында бас қосты.Аталған фестивалге келген театр ұжымдарының көздегені бір нысан. Барлығы өз өнерлерін ортаға салып жеңімпаз атану.
Театрда кірлеген сезімдер тазарып, жабыққан көңілдер жай табар ғажайып бар.Жылдар бойы адамзат жанын рухани кемелдендіріп келе жатқан, аса мәртебелі театр өнерінің майталмандары 2 күн бойы көрерменге ерекше көңіл күй сыйлайтыны анық. Фестиваль алдымен театр өнерінің негізін салушылардың бірі, қоғам және театр қайраткері Жұмат Шаниннің ескерткішіне гүл шоқтарын қоюмен бастау алды. Атаулы фестивалдің ашылуына қала басшылары мен театр өнерпаздары қатысып өнер ұжымдарына сәттілік тіледі.
Фестиваль аясында көрерменге М.Мақатаевтың «Дариға жүрек» атты 2 бөлімді поэтикалық толғауы ұсынылды. Ақиық ақынның әрбір шығармасы көрерменнің сүйіп оқып, тыңдайтыны мәлім. Сондықтан бұл спектальде көрермен ақынның поэзиясы мен қатар оның сөзіне жазылған әндер мен сол уақытта ел жырлаған әндердің сазына құлақ түреді.
Атаулы фестивалдің көрермен үшін берері мол.Себебі әрбір қойылым үлкен дайындық пен қажырлды еңбекті талап етеді.Өнер ұжымдарының бір бірімен тәжірбие алмасуына мүмкіндік беретін фестиваль алдағы уақыттада жалғасын табады.
