Миллионнан астам халқы бар үшінші мегаполис тұрғындарының қауіпсіздігі басты назарды талап етеді. Шымкент қаласында қылмыс деңгейі мен төтенше жағдайлар қаупінің алдын-алу бойынша ауқымды шаралар атқарылуда.Тіпті, шаһарда қылмыс деңгейі де төмендеген.Бұл туралы баспасөз конференциясында баяндалды.
Қоғамдық тәртіпті сақтау, ел азаматтарының мүддесі мен тыныштығын және қауіпсіздігін қамтамасыз ету полицияның басты міндеті болып табылады. Жалпы, қабылданып жатқан шаралардың нәтижесінде, қазіргі уақытта Шымкент қаласы бойынша криминогендік ахуал тұрақты. 2024 жылдың осы мерзімінде қала аумағында тіркелген қылмыстар саны – 36,3 пайызға азайды.
Осы жылы мекенжай бағдарламасы бойынша бірінші жартыжылдықта 1500 бейнебақылау камераларын орнату жоспарланған.Бұдан бөлек, екінші жартыжылдықта қосымша 1 500 камера орнатылатын болады. Қоғамдық тәртіп пен көлік қозғалысын реттеуде бейнебақылау камераларының көмегі айтарлықтай нәтиже көрсетіп келеді.
