Бүгін қалалық Жастар ресурстық орталығында сыбайлас жемқорлыққа қарсы іс-қимылдарды кеңірек насихаттау мақсатында anti para craft 2024 квест ойындары өтті. Аталмыш шараға мегаполистің 8 жоғарғы оқу орындарының студенттері қатысып, бақ сынасты. Толығырақ алдағы бейнесюжетте.
Квест 4 кезеңнен тұрды. Оған қатысушылар сыбайлас жемқорлыққа қарсы тақырыбы бойынша бейнеролик жасап, жоба жазып қана қоймай, өзара пікірталасты. Ұйымдастырушылардың айтуынша, бұл іс-шара студенттердің азаматтық ұстанымын дамытып, жең ұшынан жалғасқан жемқорлыққа қарсы мәдениетті қалыптастыруға ықпал етеді.
Студенттер ойын түрінде сандық технологияларды қолдана отырып, криминалистикалық, интелектуалды және шығармашылық сауалдардың жауабын табады. Бұл жоба бірегей болып табылады және жастарды сыбайлас жемқорлыққа қарсы күресуге бағытталған. Аталмыш шараның басты ерекшелігі студенттер арасында критикалық ойлау шеберлігін дамыту, өз ойын айқын жетілдіре білулері бағаланады.
Қатысушылардың квест ойынына үлкен жауапкершілікпен қарағандары байқалды. Олардың айтуынша, бұл өте қызықты, әрі маңызды шара.
Айта кетейік ұйымдастырушылардың мәліметінше мұндай сайыстар алдағы уақытта да жалғасын тауып отырады. Себебі жастар арасында сыбайлас жемқорлыққа қарсы іс-қимылды насихаттау өте маңызды.
