Өрт қаупінен сақтаныңыз! Төтенше жағдай қызметкерлері қаладағы сауда үйлерінің бірінде түсіндіру жұмыстарын жүргізді. Мұндағы мақсат-өрт кезінде қауіпсіздік талаптарын сақтап, тұрғындарға апат жайлы ақпарат беру. Тақырыпты әріптесім жалғайды.
Табиғатта тосыннан келетін үш тілсіз жау болса, соның бірі – өрт. Бүгін Еңбекші ауданы төтенше жағда йлар басқармасының инженерлік-инспекторлық құрамымен Грамад сауда орталығында өрт-тактикалық сабағы өтті. Тактикалық-жаттығу барысында жедел жасақ өрт болған жерге дереу жетіп, апаттың алдын алды. Сонымен қатар өрт орнынан адамдар құтқарылып, оларға медициналық көмек көрсетілді.
Сауда орталығында автоматты өрт сөндіру құрылғысы да орнатылған.Жүйе апаттың алдын-алып, тұрғындардың өмірін сақтауға септігін тигізеді.
Алшахар аумағында 2023-2024 жылдардағы жылыту маусымы кезеңінде тұрғын секторларда 58 өрт оқиғасы тіркеліп нәтижесінде 3 адам қаза тауып, 3 адам жарақат алды. Айта кетейік қала маңында аталған оқиғаларға байланысты төтенше жағдайлар департаменті бірқатар жұмыстарды атқарып, арнайы техникаларды да жұмылдырып келеді.
